“Hazırlıq yüksək səviyyədə davam edir. Bütün azarkeşlər komandaya layiqincə dəstək vermək məqsədilə səfərbər olunub. Neftçi”sevərləri tribunalarda görmək üçün bütün platformalarda çağırışlar edirik. Hətta yaddan çıxan ənənəni də bərpa etmişik. Şəhərin bir çox yerlərində afişalar yapışdırırıq. Sözün əsl mənasında hamı çalışır. Yeri gəlmişkən, Tovuzdakı məğlubiyyətdən sonra sarsılmışıq. Bəlkə də bəziləri komandadan küsüb. Düzdü, həm klub rəsmiləri, həm də futbolçular üçün gözlənilməz nəticə oldu. Çətin dönəmdən keçdiyimiz sirr deyil. Lakin əsl azarkeş belə anlarda bəlli olur. Biz bütün “Neftçi” sevdalılarını orda gözləyəcəyik. Qələbədən başqa yol qalmayıb. Bu mövsüm kubok mütləq bizim olmalıdı”.