Güləşçilərimizdən 2 qızıl, 1 bürünc medal

Xorvatiyanın paytaxtı Zaqrebdə güləş üzrə Avropa çempionatı keçirilir.

"Football-plus.az" xəbər verir ki, yunan-Roma güləşçilərimiz günü 3 medalla başa vurub. 72 kq çəkidə Ülvü Qənizadə finalda fransalı İbrahim Qanemlə üz-üzə gəlib. 7:7 bitən görüşdə xal prinsipinə əsasən təmsilçimiz qalib gəlib.

Həsrət Cəfərov həlledici qarşılaşmada gürcüstanlı Coni Xetsuriani ilə güləşib. 67 kq çəkidə mübarizə aparan idmançımız 3:2 hesablı qələbə ilə qızıl medal əldə edib.

Nihat Məmmədli isə bürünc medal görüşünə çıxıb. 60 kq çəkidə yarışan təmsilçimiz ermənistanlı Gevorq Qaribyanla üz-üzə gəlib. 9:5 hesabı ilə qalib gələn Nihat bürünc medal qazanıb.