Bir neçə gün əvvəl “Elçe” – “Barselona” matçının nəticəsinin ləğv edilə biləcəyi ehtimalı ortaya çıxmışdı.

"Football-plus.az" xəbər verir ki, artıq bu məsələyə rəsmən aydınlıq gəlib.

Xatırladaq ki, La Liqanın 27-ci turunun oyununda “Barselona” 4:0 hesabıyla qalib gəlib. “Elçe” rəhbərliyi Qavinin matçda iştirakına görə nəticəyə etiraz edib. Klub rəhbərliyi kataloniyalıların yarımmüdafiəçisinin əsas komanda ilə müqaviləsinin ləğvi səbəbindən çempionat matçında oynaya bilməyəcəyini əsas gətirib.

Lakin İspaniya Kral Futbol Federasiyasının müvafiq komitəsi “Elçe”nin müraciətinin əsassız olduğuna qərar verib. Komitədən bildirildiyinə görə, Qavinin oyunlarda iştirakı federasiyanın reqlamentinə zidd deyil, çünki futbolçu artıq gənclərdən ibarət komandanın oyunçusu kimi rəsmi qeydiyyatdan keçib və indi yenidən bu statusda çıxış edir.