Aslan Kərimovun proqnozu
Bu gün Misli premyer-liqasının 31-ci turu start götürəcək.
“Football-plus.az” xəbər verir ki, ilk oyun günündə 2 qarşılaşma baş tutacaq. “Şamaxı” “Kəpəz”i, “Qarabağ” isə “Zirə”ni sınağa çəkəcək. Matçları təhlil etməsi üçün Aslan Kərimovla əlaqə saxladıq.
Ekspertin “Şamaxı” – “Kəpəz” matçı ilə bağlı fikirləri belə oldu:
“Gərgin oyun olacaq. Hər iki komanda turnir cədvəlinin aşağı pillərində qərarlaşıb. Amma “Kəpəz” öz vəziyyətini yaxşılaşdırıb. Ümumiyyətlə, Gəncə klubu son turlarda vacib xallar toplayıb. Bu görüşdə də favoritdilər. Çünki “Kəpəz”in futbolçularının keyfiyyəti şamaxılılarla müqayisədə yaxşıdı. Bu səbəbdən də gəncəlilər bir addım öndədi. Amma bu, futboldu. Hər şey ola bilər.
“Şamaxı”nın oyun üslubu həddən artıq yaxşıdı. Amma futbolçuların keyfiyyəti istər-istəməz nəticəyə təsir edir. Bəzi hallarda istəklərini həyata keçirməkdə çətinlik çəkirlər. Nəyi nəzərdə tuturam? “Şamaxı” “Qarabağ”la matçda belə əks-hücumlar həyata keçirirdi. Hətta qol imkanları da yaxaladılar. Lakin Amilin zədədən sonra performansı o qədər də yaxşı deyil. Hələ ki özünə gəlməyib. Ona bir az vaxt lazımdı ki, əvvəlki oyununu sərgiləsin. Bu məqamlar bir neçə qol imkanının qaçırılmasına səbəb olur.
Düşünürəm ki, “Kəpəz”lə matçda da yaxşı oyun sərgiləyəcəklər. Qol şanslarını nə qədər dəyərləndirə biləcəklər? Bax, bu məsələ şübhəlidi. Bu səbəbdən də gəncəliləri nisbətən üstün sayıram”.
“Şamaxı”nın oyun üslubu həddən artıq yaxşıdı. Amma futbolçuların keyfiyyəti istər-istəməz nəticəyə təsir edir. Bəzi hallarda istəklərini həyata keçirməkdə çətinlik çəkirlər. Nəyi nəzərdə tuturam? “Şamaxı” “Qarabağ”la matçda belə əks-hücumlar həyata keçirirdi. Hətta qol imkanları da yaxaladılar. Lakin Amilin zədədən sonra performansı o qədər də yaxşı deyil. Hələ ki özünə gəlməyib. Ona bir az vaxt lazımdı ki, əvvəlki oyununu sərgiləsin. Bu məqamlar bir neçə qol imkanının qaçırılmasına səbəb olur.
Düşünürəm ki, “Kəpəz”lə matçda da yaxşı oyun sərgiləyəcəklər. Qol şanslarını nə qədər dəyərləndirə biləcəklər? Bax, bu məsələ şübhəlidi. Bu səbəbdən də gəncəliləri nisbətən üstün sayıram”.
Aslan bəyin “Qarabağ” – “Zirə” matçı ilə bağlı fikirləri isə belə oldu:
“Bu qarşılaşma da olduqca maraqlı olacaq. “Qarabağ” son turda “Sabah”uduzdu. Həmin oyun heç də birtərəfli keçmədi. Yəni, “Qarabağ” hücum edib, “Sabah” onları əks-hücumda yaxalamadı. Bərabərsəviyyəli oyun keçdi. Hər iki komandanın kifayət qədər qol imkanları oldu. Belə məğlubiyyətdən sonra Ağdam təmsilçisi nəyə görə lider olduğunu isbat etmək üçün öz oyununu göstərmək məcburiyyətindədi.
“Köhlən atlar” “Zirə”dən psixoloji baxımdan bir addım öndədi. Statistik göstəricilərə görə də ağdamlılar bakılıları qabaqlayır. Bu səbəbdən də Rəşad Sadıqovun işi bir az çətin olacaq. Çünki komandanı “Qarabağ” kimi rəqibə qarşı kökləmək lazımdı. Əminəm ki, bunu bacaracaq.
Düşünürəm ki, heç-heçə də qeydə alına bilər. Sözsüz ki, “Qarabağ”ın potensialı daha böyükdü. Oyunçuları “Zirə”nin üzvlərinə nisbətdə bir qədər öndədi. Nəzərə alaq ki, “qartallar” 4-cü olmaq uğrunda mübarizə aparır. “Qəbələ”ni geridə qoymaq istəyirlər. Bu səbəbdən də böyük motivasiya ilə matça çıxacaqlar. Qalib gəlmək çətin olsa da, heç-heçə edə bilərlər”.
“Köhlən atlar” “Zirə”dən psixoloji baxımdan bir addım öndədi. Statistik göstəricilərə görə də ağdamlılar bakılıları qabaqlayır. Bu səbəbdən də Rəşad Sadıqovun işi bir az çətin olacaq. Çünki komandanı “Qarabağ” kimi rəqibə qarşı kökləmək lazımdı. Əminəm ki, bunu bacaracaq.
Düşünürəm ki, heç-heçə də qeydə alına bilər. Sözsüz ki, “Qarabağ”ın potensialı daha böyükdü. Oyunçuları “Zirə”nin üzvlərinə nisbətdə bir qədər öndədi. Nəzərə alaq ki, “qartallar” 4-cü olmaq uğrunda mübarizə aparır. “Qəbələ”ni geridə qoymaq istəyirlər. Bu səbəbdən də böyük motivasiya ilə matça çıxacaqlar. Qalib gəlmək çətin olsa da, heç-heçə edə bilərlər”.
İLKİN SULTANLI
Digər xəbərlər
