“Sportinq” Fransisko Trinkanın məsələsini həll edib.

"Football-plus.az" xəbər verir ki, Portuqaliya klubu “Barselona”dan icarəyə götürdüyü futbolçunu birdəfəlik alıb.

Jurnalist Fabritsio Romanonun “tvitter” hesabı vasitəsilə verdiyi məlumata görə, İspaniya klubu 23 yaşlı hücumçunun satışından 10 milyon avro qazanıb. Kataloniya əyalətinin təmsilçisi portuqaliyalı oyunçunun növbəti satışından əldə ediləcək təzminat haqqının 50 faizini almaq hüququna da malikdi.

“Barselona”nın Trinkanı təxminən 20-25 milyon avroya geri qaytarmaq imkanı da olacaq.

Xatırladaq ki, futbolçu “Barselona”ya 2020-ci ilin yayında 31 milyon avroya “Braqa”dan keçib. O, bu mövsüm “Sportinq”də keçirdiyi 44 matçda 12 qol vurub və 3 məhsuldar ötürmə verib.