Romelu Lukakunun “İnter”dəki aqibəti müəyyənləşib.

"Football-plus.az" xəbər verir ki, İtaliya klubu “Çelsi”dən icarəyə götürdüyü hücumçunu komandada saxlamayacaq. “La Gazzetta dello Sport”un məlumatına görə, milanlıların Lukaku ilə icarə müqaviləsini yeniləmək niyyəti yoxdu. Başqa sözlə, belçikalı mövsümün sonunda “Çelsi”yə qayıdacaq. “İnter” rəhbərliyi artıq bu qərarını qarşı tərəfə bildirib. London klubu isə forvard üçün yeni komanda axtarışına başlayıb.

Romelu bu mövsüm A seriyasında meydana çıxdığı 18 oyunda 3 qol vurub. Onun “Çelsi” ilə müqaviləsinin müddəti 2026-cı ilin yayına kimi nəzərdə tutulub. “Transfermarkt” portalı oyunçunu 40 milyon avro dəyərində qiymətləndirir.