İtaliya kubokunun “Yuventus” və “İnter” arasında keçirilən ilk yarımfinal matçının (1:1) xoşagəlməz insidentlə nəticələndiyini xəbər vermişdik.

“Football-plus.az” xəbər verir ki, artıq yerli federasiyanın müvafiq orqanı qeydə alınan qayda pozuntuları ilə bağlı qərarlarını açıqlayıb. “Yuventus”unyarımmüdafiəçisi Xuan Kuadrado ilə “İnter”in qapıçısı Samir Handanoviç final fitindən sonra dava etdikləri üçün hər ikisi 3 oyunluq cəzalanıb və 10 min avro cərimələnib. Bundan əlavə, “İnter”in hücumçusu Romelu Lukaku yerli azarkeşlərə göstərdiyi nalayiq jestinə görə 1 oyunluq cəzalanıb.

Qeyd edək ki, cəzalar A seriyasının oyunlarına da şamil edilir.

“İnter”in idman direktorunun köməkçisi Dario Baççin də cəzadan qaça bilməyib. O, hakimi söydüyü üçün 20 min avro cərimələnib. Komandalar arasındakı cavab matçı aprelin 26-da keçiriləcək.