“Mançester Yunayted”in oyunçusu Kazemiro vətəni Braziliyada ticarət mərkəzi açıb.

"Football-plus.az" xəbər verir ki, bu məkan onun doğma şəhəri San Xose dos Kamposda yerləşir.

Görünür, 31 yaşlı yarımmüdafiəçi 2013-22-ci illərdə çıxış etdiyi sabiq klubu “Real”a və İspaniyanın paytaxtı Madridə çox bağlıdı. Belə olmasaydı, ticarət mərkəzinə “Madrid Open Mall” adını verməzdi. Qeyd edək ki, bu, San Xose dos Kampos şəhərinin qərb hissəsindəki ilk açıq ticarət mərkəzidi. Burada 15 mağaza, 60 pulsuz dayanacaq var. Ticarət mərkəzinin sahəsi isə 5 min kvadrat metrdi. Bu mərkəzdə 150-yə yaxın şəhər sakini üçün iş yeri yarandığı bildirilib.