Argentina millisi ilə DÇ-2022-nin qalibi olan Qonsalo Montiel haqda sensasion iddia ortaya atılıb.

"Football-plus.az" xəbər verir ki, o, bir qrup şəxslə birlikdə zorlamada ittiham olunur.

“Marca” qəzetinin yaydığı məlumata görə, “Sevilya”nın 26 yaşlı müdafiəçisinin cinayət əməlinə bir neçə il əvvəl əl atdığı iddia edilir. Hadisənin 2019-cu il yanvarın 1-də Argentinanın La Matansa şəhərində futbolçunun doğum günündə yaşadığı evdə baş veridiyi bildirilir. Zorakılığın qurbanı Montiellə cinsi münasibətə məcbur edilən yerli model olub. Vəkili Rakel Ermidanın sözlərinə görə, zərərçəkən ilə futbolçu arasındakı münasibət qısamüddətli olub. Buna baxmayaraq, qızı ailəsi ilə tanış etmək üçün doğum günü mərasiminə dəvət edib. daha əvvəl alkoqollu içki içməyən xanım iki qədəhi boşaldandan sonra huşunu itirib. Ermidaya inansaq, təcavüz aktı baş verəndən sonra müştərisini “evdən kənara atıblar”.

Hüquqşünas qızın onunla neçə nəfərin cinsi əlaqəyə girdiyini bilmədiyini və öz evinə necə qayıtdığını xatırlamadığını deyib. Vəkil qızın hüquq-mühafizə orqanına şikayət etməsindən sonra Qonsalonun anası da daxil olmaqla futbolçunun yaxın ətrafı tərəfindən hədələrə məruz qaldığını da bildirib.