Daniel Alveşdən sonra daha bir tanınmış futbolçuya cinsi təcavüz ittihamı yönəldilib. PSJ-nin oyunçusu Əşrəf Hakimi məhz bu əmələ at atmaqda şübhəli bilinir.

"Football-plus.az" xəbər verir ki, bu barədə “Le Parisien” məlumat yayıb.

Fransa nəşri mərakeşli müdafiəçinin adı açıqlanmayan xanıma cinsi təcavüz etdiyini xəbər verib. Bir neçə gün əvvəl 24 yaşlı qız polis idarəsinə gələrək Əşrəfin ona təcazüv etdiyini söyləyib. Zərərçəkən şikayət ərizəsi yazmaq istəməyib, ancaq idarənin əməkdaşları bu barədə rəhbərliyə məlumat veriblər. Nəticədə prokurorluq təhqiqata başlayıb. Artıq tanınmış futbolçuya cinsi təcavüzlə bağlı ittiham irəli sürülüb.

Qızın bildirdiyinə görə, Hakimi ilə yanvarın 16-da “instaqram”da tanış olub. Əşrəf onu fevralın 25-də Paris ətrafında yerləşən Bulon-Biyankur qəsəbəsindəki evinə dəvət edib. Evdə “vəziyyət nəzarət altından çıxıb”: 24 yaşlı futbolçu etirazlarına məhəl qoymayaraq qızı öpməyə, paltarını çıxarmağa və döşlərini sığallamağa başlayıb. Amma onun caynağından qurtulan qız zəng etdiyi dostunun köməyi ilə həmin evi tərk edə bilib.

PSJ rəsmi bəyanat yayaraq futbolçusunu müdafiə edib:

“Klub ittihamı qətiyyətlə rədd edən və haqq-ədalətə inanan futbolçunu dəstəkləyir. PSJ yaşıl meydanda və ondan kənarda hörmət amilinə xüsusi dəyər verən qurumdu”.

Ortaya təbii sual çıxır: prokurorluğun təhqiqata başlaması fonunda Hakimi klubunda oynamağa davam edəcək?

ESPN-in məlumatında futbolçunun Liqa 1-də şənbə günü “Nant” ilə keçiriləcək matçda oynayacağı bildirilib.

Qeyd edək ki, səbəbkar bu mövsüm Fransa çempionatında iştirak etdiyi 21 oyunda 4 qol vurub və 3 məhsuldar ötürmə verib.

Əşrəf üçün növbəti ciddi problem də ortaya çıxıb. Onun həyat yoldaşı Hiba Abuk artıq boşanmaq üçün məhkəməyə müraciət edib. “El Cierre Digital”ın yaydığı xəbərə inansaq, 36 yaşlı ispaniyalı aktrisanın bu qərarı heç də futbolçunun cinsi təcavüzdə ittiham olunması ilə bağlı deyil. Onların münasibələrinin bir neçə həftə əvvəl pozulduğu idda ediilir.

FİFA-nın fevralın 27-də keçirilən mükafatlandırma mərasimində Hakiminin Abuk ilə birlikdə görünməməsi də onların münasibətlərindəki gərginliyə işarədi.