Uruqvay yığmasında baş məşqçi probleminə, demək olar ki, son qoyulub. Komandaya məşhur mütəxəssis təyinat alacaq.

"Football-plus.az" xəbər verir ki, vakant olan posta Marselo Byelsanın təyinatı gözlənilir.

Beynəlxalq KİV-in yaydığı xəbərlərə görə, argentinalı mütəxəsislə Uruqvay Futbol Assosiasiyası arasında aparılan danışıqlar son mərhələdədi. 67 yaşlı məşqçi ilə bağlanacaq müqavilənin müddəti DÇ-2026-nın seçmə mərhələsinin sonuna qədər nəzərdə tutulacaq. Komanda final turnirinə vəsiqə qazanacağı halda anlaşmanın müddəti uzadılacaq.

Qeyd edək ki, Dieqo Alonsonun istefasından sonra Uruqvay millisini fevraldan baş məşqçi vəzifəsinə müvəqqəti təyin edilən Marselo Broli çalışdırır. Byelsanın sonuncu iş yerinin ötən ilin fevralında ayrıldığı “Lids” klubu olduğunu da bildirək.