''Fənərbaxça''nın ötən yay transfer etdiyi Sərdar Dursun öz qolları ilə diqqət çəkməyi bacarır.

Düzdü, 30 yaşlı forvard ''torba-torba'' qollar vurmur. Ən son ''Qalatasaray''la derbidə fərqlənməklə o, bu mövsüm super liqadakı 10-cu qolunu vurdu. Amma nəzərə alsaq ki, son illərdə ''Fənər'' dəyerli forvardlar ümumiyyətlə heç nə ilə yadda qalmayıb, bunun özü də pis nəticə deyil. Təkcə bir faktı vurğulayaq ki, Sərdar Dursun bu göstərici ilə Semih Şəntürkü yaxaladı. ''Sarı-lacivərdlilər''də sonuncu dəfə super liqada 10 qol həddinə çatan yerli futbolçu 2010/11 mövsümündə Semih Şəntürk olmuşdu. Sərdar bir qolda vuracağı təqdirdə son 14 ildə İstanbul nəhəngində ən çox qol vuran yerli oyunçu olacaq. ''Fənər''in heyətində sonuncu dəfə çempionatın bombardiri olmuş yerli futbolçu 2007/08-də 17 qolla yenədə Semih olub. Maraq üçün bildirək ki, Sərdar Dursun hazırda bombardirlər yarışına başçılıq edən ''Hatayspor''lu Eyub Əl-Kaabidən 5 top geridədi.