"Son zamanlarda qazandığımız uğurlar komandanın formalaşdığını göstərirdi. Həmin nailiyyətlər sayəsində millimiz oyuna psixoloji cəhətdən hazır çıxmışdı. Yığmanın istənilən rəqiblə mübarizə apara biləcəyini düşünürdük.

Demək olmaz ki, Avstriya bizdən qat-qat üstün idi. Futbolçularımızın ilk 20 dəqiqədəki performansı təqdirəlayiq idi. Çox inamlı mübarizə aparırdılar. Təəssüf ki, rəqib hesabı açdıqdan sonra fərqli oynadıq.

Düşünürəm ki, yığmamız oyuna tam hazır deyildi. Nəticədə acınacaqlı məğlubiyyətlə barışmalı olduq. Günahkar axtarmaq fikrində deyilik. Baş məşqçi Canni de Byazi 3 ildi Azərbaycan futbolunun inkişafı üçün çalışır. Heyətimiz də uğurlu futbolçulardan təşkil olunub.
İki cəbhəyə bölünməkdənsə, birlikdə bu vəziyyətdən çıxış yolunu axtarmalıyıq".