Azərbaycan millisi üçün yeni macəra start götürür. Canni de Byazinin rəhbərlik etdiyi kollektiv AÇ-2024-ün seçmə mərhələsində ilk oyununa çıxır. Rəqib güclü Avstriya yığmasıdı.

Avropalıların heyətində itkilər olsa da, yığmamız üçün çox çətin oyun olacaq. Görəsən, Canni de Byazi bu qarşılaşmada hansı futbolçulara güvənəcək? Start heyətində kimlər yer alacaq?

"Football-plus.az" olaraq ilk "11-lik"lə bağlı təxminlərimizi diqqətinizə çatdırırıq.

Qapıda Yusif İmanov yer alacaq. Əldə etdiyimiz məlumata görə Kamran Ağayev italiyalı mütəxəssislə söhbətdə "Sabah"ın qolkiperinin daha yaxşı vəziyyətdə və hazırlıqlı olduğunu söyləyib.

Canni de Byazi avstriyalılarla oyunda 5-4-1 sxemindən istifadə etmək niyyətindədi. İtaliyalı çalışdırıcı müdafiənin solunda Elvin Cəfərquliyevə, mərkəzdə Anton Krivotsyuk, Bəhlul Mustafazadə və Höccət Haqverdi üçlüsünə, sağda isə Azər Əliyevə güvənəcək. Yarımmüdafiənin dayağında Eddi İsrafilov yer alacaq. Bir qədər irəlidə Emin Mahmudov çıxış edəcək. Aleksey İsayev sol, Ramil Şeydayev isə sağ vinger olaraq mübarizə aparacaq. Hücumun mərkəzində isə Renat Dadaşov çıxış edəcək.

Ümid edək ki, Canni de Byazi ən layiqlilərə şans verərək komandamızın qələbə qazanması üçün əlindən gələni edəcək.

İLKİN SULTANLI