“Əslində, rəqiblər haqda məlumatımız yoxdu. Bəzi ölkələr var ki, çempionat keçirilir. Lakin bəzilərində çempionat yoxdu. Belə baxanda, rəqiblər münasibdi. İspaniya, Portuqaliya düşə bilərdi. Onlar çox güclüdü. Məncə, normal qrupa düşmüşük. Bosniya və Hersoqovinada çempionat var. Fransa haqda dəqiq məlumatım yoxdu, ancaq düşünürəm ki, onlarda da çempionat olar. Yunanıstan isə zəif komandadı. Biz də bir o qədər güclü deyilik. Ona görə "100 faiz qrupdan çıxmağı bacaracağıq" deyə bilmərəm. Əlbəttə ki, yaxşı çıxış etmək üçün əlimizdən gələn hər şeyi edəcəyik. Amma real yanaşmaq lazımdı. Bizdə də uşaq məktəbi yoxdu. 2-3 aydı komandanı yığmışıq, sıfırdan başladıq. Hələ də komandanın tam formalaşması üçün axtarışdayıq”.