Vimmer yığmamıza qarşı oynamaq istəyir
Avstriya millisinin üzvü Patrik Vimmer iddialı açıqlama verib.
Football-plus.az xəbər verir ki, 22 yaşlı hücumameyilli oyunçu martda start götürəcək seçmə mərhələdə uğur qazanmaq iqtidarında olduqlarını deyib:
“AÇ-2024-ün seçmə mərhələsinin Azərbaycanla ilk oyununda heyətdə yer alaraq, dönüş etmək istəyirəm. Ralf Ranqnik kimi çox yaxşı baş məşqçimiz var. O, futbolçu heyətinin imkanları ilə uğurlu iş görə bilər. Fikrimcə, bu komanda qrupda istədiyi nəticəni qazanacaq gücdədi. Mən də yığma ilə davam etmək arzusundayam. Ümid edirəm ki, martda keçiriləcək oyunlarda heyətdə yer alacam”.
Qeyd edək ki, Vimmer yığmada yeganə oyununu ötən ilin iyununda Danimarkaya qarşı keçirib. AÇ-2024-ün seçmə mərhələsinin ilk turunun Avstriya - Azərbaycan oyunu isə martın 24-də Lintsdə keçiriləcək.
