''Xərçəng elə xəstəlikdi ki, ona tam olaraq qalib gəldiyini düşünmək və ''nəhayət, birdəfəlik qurtuldum'' demək olmur. Hər kəsin yaşadıqları fərqli olur.

Mənim durumum belədi ki, xəstəliyi nəzarət altına almışıq və onunla birlikdə yaşlana bilərəm. Amma bununla yanaşı hələ bir neçə dəfə də kimyaterapiyadan keçməli olacam. Ötən yay həkimə gedib orqanizmimi yoxlatdırmaq qərarına gəldim. Çünki məni elə də güclü olmayan ağrılar narahat edirdi. Həmin müayinə zamanı məndə ağ ciyər xərçəngi xəstəliyi aşkarlandı. Ona görə də yaşı 50-dən yuxarı olan hər kəsə tez-tez həkimə gedib müayinədən keçməyi məsləhət görürəm.

Bu xəstəliyin başlıca səbəblərindən biri siqaretdi. Mən də çox çəkirdim. Gündə yarım qutu ilə bir qutu arası siqaret çəkirdim. Siqareti tərgitmək tamamilə iradə məsələsidi!

Bundan sonrakı həyatımı sanki bədənimdə oturan çağırılmamış bir qonaqla birlikdə keçirmək məcburiyyətində qalacam.

Mənim həyatım zatən məğlubiyyətdən sonra ayağa qalxmaq və növbəti oyunda qalib gəlməyə çalışmaq üzərində qurulub. Yəni daim mübarizə aparmışam. İndi də ''xərçəng''lə mübarizə aparmalı olacam. Ya onu orqanizmimdən qovmalı, ya da təsirini azaldaraq bundan sonra onunla birlikdə yaşamağa öyrəşməliyəm''.