Dünən bundesliqanın 19-cu turunda Dortmund ''Borussiya''sı ''Frayburq''u qəbul etdi.

Yaxşı formada olan və fasilədən bu yana bütün rəqiblərini yenən ''Borussiya'' fanatlarına 5:1 hesablı gözəl qələbə bəxş etdi. Düzdü, ədalət naminə qonaqların 17-ci dəqiqədən etibarən azlıqda oynadığını bildirək. Görüşün ən diqqətçəkən anı 51-ci dəqiqəyə təsadüf etdi. Rafael Gerreyro oyundakı 3 məhsuldar ötürməsindən birini verdi və Sebastyan Alle başla fərqlənərək nəhayət, ''arılar''ın heyətində rəsmi oyunlarda ilk qolunu vurdu. Bilindiyi kimi ötən mövsüm ''Ayaks''da xarüqələr yaradan Alle yayda Dortumda yollandıqdan qısa müddət sonra şok xəbər almışdı. Xaya xərçəngi diaqnozu qoyulan futbolçu təxminən 6 ay ərzində 2 dəfə əməliyyat olunmuş və 4 dəfə ximyaterapiya kursundan keçməli olmuşdu. Yanvardan etibarən məşqlərə başlayan Alle ''Bazel''ə qarşı hazırlıq oyununda hətta het-trik etmişdi. Amma fransızəsilli kot d''İvuarlı forvard rəsmi matçlarda ilk qolunu dünən vurdu və bununla da həm komanda yoldaşlarına, həm də fanatlara böyük sevinc yaşatdı.