Van Qal xəstəliyi ilə bağlı şad xəbər verdi
Niderland yığmasının baş məşqçisi Lui van Qal səhhəti ilə bağlı futbol ictimaiyyətinə müjdəli xəbər verib.
Bilindiyi kimi məhşur mütəxəssis bir müddət öncə prostat xərçəngi xəstəliyindən əziyyət çəkdiyini etiraf etmişdi. Bu dəfə xəstəliyi və son durumu ilə bağlı ətraflı məlumat verən 70 yaşlı məşqçi bunları deyib:
''Bu xəstəliyə yaxalandığımı 2020-ci ilin sonlarında öyrəndim və 2021-in aprelindən etibarən müalicə kursuna başladım. Prostat xərçəngi 90 faiz hallarda insanı öldürmür. İnsanı öldürən altda yatan digər xəstəliklər olur. Xəstəliyim bəzən aqressiv formaya keçirdi. Mənə fərqli cür müalicə üsulları təklif olundu. O vaxtdan bu yana təxminən 25 dəfə müalicə kursundan keçməli oldum. Sonda bunun bəhrəsini gördüm. Müalicənin hansı nəticə verdiyini görmək üçün ən azı 6 ay gözləməli idim. Bu müddət tamam olub və indi artıq sağaldığımı, özümü yaxşı hiss etdiyimi əminliklə söyləyə bilərəm''.
Digər xəbərlər
