“Biz ötən yay baş tutan seçkidən sonra AİJA ilə görüşlər planlaşdırırdıq. Lakin bəzi gərginliklər yaşandığına görə ara soyuqlaşdı. Rəşad Məcidlə görüşümüzdə də bu mövzu müzakirə olundu. Sağ olsun, Rəşad müəllim iki təşkilat arasında münasibətlərin qorunması və daha da yaxşılaşdırılması üçün vasitəçilik etməyə hazır olduğunu bildirdi. Biz də onun bayram görüşü təklifinə razılıq verdik.

Görüşdə müxtəlif mövzuları müzakirə etdik, bəzi qaranlıq məqamları aydınlaşdırdıq. Problemlərin həlli üçün ilkin addımlar atılacaq. Artıq bu istiqamətdə müəyyən razılığa gəlmişik.

Birləşmək məsələsi hələ real deyil. Hər iki tərəf ciddi güzəştlər etməlidi. Bu da çətin görünür. İndi əsas uğur bu olar ki, tərəflər bir-birinə dostcasına yanaşsın. Düşünürəm ki, bəzi aqressiv yanaşmalar aradan qalxmalıdı. Ortaq layihələrlə bir-birimizə dəstək göstərməliyik. Bu, idman jurnalistikasının inkişafına təkan verər”.