Bu gün Misli premyer-liqasında 3-cü dövrəyə yekun vurulub.

"Football-plus.az" xəbər verir ki, 27-ci turun son oyununda "Qəbələ" "Şamaxı"nı qəbul edib. Görüş “CBC Sport” telekanalı vasitəsiylə canlı yayınlanıb.

Misli premyer-liqası
3-cü dövrə, 27-ci tur
17 mart

Qəbələ - Şamaxı 2:0
Əyyub Allaş, 19, 45+1
“Qəbələ”nin bu rəqiblə ev oyunlarının balansı: 29:+9=12-8, 32:31.
2006/07 - 0:0; 2007/08 - 2:1; 2008/09 - 0:1; 2009/10 - 0:1, 1:1; 2010/11 - 0:1; 2011/12 - 0:0, 2:1; 2012/13 - 1:0, 1:2; 2013/14 - 3:2, 1:4; 2014/15 - 1:1, 1:1; 2015/16 - 1:1, 0:0; 2016/17 - 0:0, 4:3; 2017/18 - 3:0, 1:1; 2018/19 - 1:1, 0:0; 2019/20 - 0:4, 1:2; 2020/21 - 0:0, 2:0; 2021/22 - 2:1, 1:1; 2022/23 – 3:1.
Cəzalılar: İlkin Qırtımov, Emil Səfərov (hər ikisi “Qəbələ).
“Futbol+”in proqnozu: 40-30-30.
Hakimlər: RƏŞAD ƏHMƏDOV, Kamran Bayramov, Rahil Ramazanov, Kamran Əliyev.
Hakim-inspektor: Vüsal Əliyev.
AFFA nümayəndəsi: Erkin Hüseynov.
Qəbələ. Şəhər stadionu. Saat 17.00

3-cü dövrənin son matçı Qəbələdə baş tutacaq. Bölgə təmsilçilərinin fərqli hədəfləri var. “Qəbələ” Konfrans Liqasına vəsiqə qazanmaq istəyirsə, “Şamaxı” premyer-liqada qalmaq niyyətindədi. Bu məqamlar oyunun prinsipiallığını daha da artırır.

Ümumiyyətlə, komandalar Azərbaycan çempionatlarında 57 dəfə münasibətlərini aydınlaşdırıb. Bu görüşlərin 18-də “Qəbələ”, 19-da isə şamaxılılar qələbə qazanıb. 20 qarşılaşmada heç-heçə qeydə alınıb. Topların nisbətində “şirlər” öndədi – 74:62.

16 mart

Səbail - Turan Tovuz 1:1
David Qomis, 28 - Turan Vəlizadə, 45
“Səbail”in bu rəqiblə ev oyunlarının balansı: 1+0=0-1, 0:1.
2022/23 – 0:1.
Cəzalı: yoxdu.
“Futbol+”in proqnozu: 40-30-30.
Hakimlər: ƏLİYAR AĞAYEV, Zeynal Zeynalov, Akif Əmirəli, Rəvan Həmzəzadə.
Hakim-inspektor: Feyzulla Feyzullayev.
AFFA nümayəndəsi: Asif Əliyev.
Bakı. “ASCO Arena”. Saat 16.00

Şahin Diniyevin gəlişindən sonra “Səbail”in dirçələcəyi gözlənilsə də, bu baş vermədi. Komanda 3-cü dövrədə cəmi 7 xal qazanıb. “Dənizçilər” premyer-liqada qalmaq arzusundadı. Bunu həyata keçirmək üçün heç olmasa, ev oyunlarında xallar qazanmaq lazımdı. Bu üzdən oyunun favoritinin “Səbail” olduğunu düşünmək mümkündü. Çünki “Turan Tovuz” rahatdı. Tovuzlular böyük ehtimalla çempionatda yerini qoruyacaq. Ayxan Abbasovun rəhbərlik etdiyi kollektiv 4-cü dövrədə hesabına 7-8 xal da yazsa, premyer-liqanın 2023/24 mövsümündə də çıxış edəcək.

Neftçi - Kəpəz 2:2
Emin Mahmudov, 65, Eddi İsrafilov, 71 - Yusif Nəbiyev, 57, Salif Sisse, 73
“Neftçi”nin bu rəqiblə ev oyunlarının balansı: 31:+16=5-10, 51:25.

1992/93 - 2:1, 2:0; 1993/94 - *; 1994/95 - 0:0; 1995/96 - 3:2, 2:3**; 1996/97 - 2:0, 1997/98 - 0:1; 1998/99 - 1:3, 3:0; 1999/20 - 3:1; 2000/01 - 1:0; 2001/02 - 2:0, 0:0; 2002/03 - 3:0; 2003/04 - 1:2; 2004/05 - 2:0; 2005/06 - 1:2; 2006/07 - 1:2; 2010/11 - 6:2; 2011/12 - 2:0; 2012/13 - 4:1; 2015/16 - 0:0, 2:3; 2016/17 - 2:0, 0:0; 2017/18 - 0:0, 1:0; 2022/23 – 5:2.
* - texniki nəticə top fərqinə nəzərə alınmayıb.
** - neytral meydanda keçirilib.

Cəzalılar: Abdullahi Şuaybu, Giorgi Kantariya (hər ikisi “Kəpəz”).
“Futbol+”in proqnozu: 50-30-20.
Hakimlər: ELÇİN MƏSİYEV, Namiq Hüseynov, Elşad Abdullayev, Rövşən Rəcəbov.
Hakim-inspektor: Zöhrab Qədiyev.
AFFA nümayəndəsi: Eldəniz Musayev.
Bakı. “Bakcell Arena”. Saat 19.00

“Neftçi” ilə “Kəpəz” arasındakı bütün oyunlar maraqlı məcrada keçib. Bu qarşılaşma da, yəqin ki, fərqlənməyəcək. Amma favorit, heç şübhəsiz, flaqmandı. Laurentsiu Regekampfın komandası 7 oyundu məğlub olmur. Rumıniyalı mütəxəssis dövrənin son görüşündə də qalib gəlmək arzusundadı. “Kəpəz” isə premyer-liqada qalmağın planlarını cızır. Gəncəlilər üçün bu görüşdə 1 xal qazanmaq belə böyük əhəmiyyət daşıyır. Tərlan Əhmədovun komandası favorit olmasa da, meydandan qalib kimi ayrılmaq potensialı var. Bir sözlə, gəncəlilərin Bakıdan 3 xalla dönməsi belə sensasiya sayılmayacaq.

Komandalar Azərbaycan çempionatlarında 53 dəfə üz-üzə gəlib. Bu görüşlərin 26-da “ağ-qaralar” qələbə qazanıbsa, 18-də gəncəlilər sevinib. 9 qarşılaşmada isə qalib müəyyənləşməyib. Topların nisbətində də flaqman öndədi – 80:48.

1. Qarabağ 27 22 5 0 70-15 71
2. Sabah 27 19 5 3 59-18 62
3. Neftçi 27 17 5 5 49-24 56
4. Zirə 27 10 7 10 30-36 37
5. Qəbələ 27 9 9 9 32-32 36
6. Turan Tovuz 27 7 7 13 21-35 28
7. Kəpəz 27 4 8 13 27-49 22
8. Sumqayıt 27 5 6 16 17-50 21
9. Şamaxı 27 4 8 15 23-43 20
10. Səbail 27 4 6 17 20-46 18

Bombardirlər: Musa Qurbanlı (Qarabağ) – 20, Ramil Şeydayev (Qarabağ) – 17, Emin Mahmudov (Neftçi) - 14, Coy-Lens Mikels (Sabah) – 13.