"AFFA İcraiyyə Komitəsinin son qərarlarında müsbət məqamlar çoxdu. 1-ci divizion ilə əvəzedicilərin çempionatının ayrılmasını alqışlayıram. Amma bununla iş bitmir. Yəni divizionu gücləndirmək üçün başqa tədbirlər də görülməlidi. Divizionda legioner və gənc oyunçu limiti tənzimlənməlidi. Təcrübəli futbolçuların və səviyyəli legionerlərin bu çempionata axın etməsinə şərait yaradılmalıdı. Ümumiyyətlə, divizionla premyer-liqa arasındakı kəskin uçurum aradan qaldırılmalıdı. Bu çempionatda komandaların sayını və səviyəni daim artırmaq lazımdı. Şəxsən mən istərdim ki, 1-ci divizionda 16 komanda çıxış etsin. Təbii ki, oturuşmuş, infrastruktura malik komandaları nəzərdə tuturam".