Birinci divizionda mübarizə aparan “Sumqayıt-2”nin uğursuz çıxış etdiyi hamıya məlumdu.

Vüqar Quliyevin baş məşqçi olduğu komanda 15 kollektiv arasında sonuncu pillədə qərarlaşıb. “Kimyaçılar”ın “ikinciləri” meydana çıxdıqları 18 matçdan yalnız ikisində hesabına 3 xal yazdırıb. 4 oyunda heç-heçə edən əvəzedicilər 12 qarşılaşmada meydanı başıaşağı tərk ediblər. Vüqar Quliyevin çalışdırdığı komandanın zəif çıxışı heç şübhəsiz ki, klub rəhbərliyini qane edə bilməz. Əldə etdiyimiz məlumata görə, rəhbərlik qış fasiləsindən sonra vəziyyətin yaxşılığa doğru dəyişəcəyini ümid etsə də, istədiyini görə bilməyincə sərt addım atmaq fikirindədi.

Etibarlı mənbədən “Football-plus.az” saytına daxil olan məlumata görə, MOİK-lə qarşılaşma Quliyev üçün baş məşqçi postunda sonuncu oyun ola bilər. “Sumqayıt-2” ordu klubuna məğlub olacağı təqdirdə rəhbərlik Vüqar bəylə yolları ayıracaq.

RƏŞAD