Ölkədə fəaliyyət göstərən futbol akademiyaları arasında “Sumqayıt” ən yaxşılardan olmasa da, üzdə olanlardan biridi.

Hakan Sünalın əlaqələndiricisi olduğu akademiyanın aşağı yaş qrupları çıxış etdikləri liqalarda heç də pis nəticələr göstərmir, çempionatda üst pillələrdə qərarlaşıblar. Klub rəhbərliyi də müxtəlif yaş qruplarına xüsusi diqqət ayırır. Artıq neçə illərdi “Sumqayıt” akademiyasında futbol sirrlərini öyrənən uşaq və yeniyetmələr lazımi geyim dəstləri ilə təhciz olunur, məşq etmələri üçün yüksək səviyyədə şərait yaradılır. Onu da qeyd edək ki, akademiyanın hər yaş qrupunda 3 məşqçi çalışır ki, buna da hər klubda rast gəlmək olmur.

Ancaq bütün bunların fonunda “Sumqayıt”ın əvəzedici heyəti çıxış etdiyi birinci divizionda ümidləri doğrultmur. “İkincilər” aşağı dəstədə sonuncu pillədə qərarlaşıb. “Kimyaçılar”ın “ikincilər”i cari mövsümdə meydana çıxdığı 15 oyundan 10-da meydanı başıaşağı tərk edib. Hesabında cəmi 2 qələbə olan komanda 3 matçda bərabərə qalıb. Görəsən, Vüqar Quliyevin çalışdırdığı “Sumqayıt-2”nin belə zəif çıxış etməsinin səbəbi nədi?

Məsələ ilə bağlı “kimyaçılar”ın idman direktoru Faiq Hacı-Məhərrəmovun fikirlərini öyrəndik. İdman direktoru Football-plus.az saytına açıqlamasında bunları söylədi: