Birinci divizionda ilk turu buraxan “Sumqayıt-2” sabah “Kapital Bank Arena”da “Zirə-2”ni qonaq edəcək.

Bu günə kimi “kimyaçılar”ın “ikinciləri” divizion oyunlarını ehtiyat meydanda keçirirdisə, cari mövsümdən Vüqar Quliyevin komandası da əsas meydanın xidmətindən yararlanacaq. Buna səbəb ehtiyat meydanın süni örtüyünün keyfiyyətini itirməsidi. Məhz bu üzdən PFL təftiş zamanı ehtiyat meydanda oyun keçirilməsinə icazə verməyib.

“Football-plus.az” saytına daxil olan məlumata görə, “Sumqayıt” rəhbərliyi ehtiyat meydanla bağlı tədbir görməyi planlaşdırır. Rəsmilər həm süni örtüyü yenisi ilə əvəzləməyi, həm də meydanda təmir işləri aparmağı düşünür.

RƏŞAD