Milli komandamız Qətərdə keçirilən dünya çempionatının final mərhələsində yer almasa da, bir çox həmyerlimiz iştirak etdi.

Təbii ki, onlar fərqli sahələrdə çalışan şəxslər idi. Ziya Nuriyev “Lusail Aykonik” stadionunda informasiya texnologiyaları meneceri kimi çalışırdı. Həmyerlimiz bu arenada keçirilən final görüşündə - Argentina – Fransa (4:3) matçında da iş başında olmuşdu.

Redaksiyamıza Ziya ilə bağlı maraqlı informasiya daxil olub. Sən demə, həmyerlimiz İsveçrəyə köçüb. O, Beynəlxalq Olimpiya Komitəsində (BOK) fəaliyyətə başlayacaq. Daha doğrusu, qurumda İT meneceri vəzifəsini icra edəcək. Ziya BOK-da çalışan ilk azərbaycanlı kimi adını tarixə yazdıracaq. Onunla əlaqə saxlayıb açıqlama almaq istəsək də, cəhdlərimiz boşa çıxdı.

İLKİN SULTANLI