"Qəbələ" - "Qarabağ" qarşılaşması başlamamış Qəbələ şəhər stadionunda elektrik enerjisi kəsildi.

Lakin matçın startına 20 dəqiqə qalmış elektrik enerjisi bərpa olundu. "Football-plus.az" saytı olaraq bununla bağlı "Qəbələ"nin mətbuat katibi Anar Hacıyevlə əlaqə saxladıq:

"Bizdə hər oyundan ən azı 30 dəqiqə öncə əsas xətdən gələn elektrik enerjisini generatorumuzun işığına qoşuruq. Bunun da əsas səbəbi oyun zamanı elektriklə bağlı baş verə biləcək problemi “sığortalamaqdı”. Belə keçid də 20-30 saniyədən çox çəkmir".

ABDULLA İSMAYILOĞLU