"Qəbələ"nin futbolçusu uzun müddətə sıradan çıxıb - AÇIQLAMA
“Qəbələ”nin futbolçusu Urfan Abbasov bir neçə gün öncə sağ ayağındakı problemə görə əməliyyat olunub.
"Football-plus.az" xəbər verir ki, 25-ci turda “Zirə” ilə baş tutan oyunda zədələnən müdafiəçinin əməliyyatı uğurlu keçib. 30 yaşlı oyunçunun hazırkı vəziyyəti barədə “Qəbələ”nin mətbuat katibi Anar Hacıyevlə əlaqə saxladıq:
“Dizin çapraz bağlarından əməliyyat olundu. Ən ağır əməliyyatlardan sayılır. Hazırda vəziyyəti yaxşıdı, problemi yoxdu. Qarşıda onu 5-6 aylıq bərpa prosesi gözləyir. Bu il çapraz bağlardan bir neçə oyunçumuz əziyyət çəkib. Bərpa prosesini tez keçən də olub. Urfan xətəxanada çox qalmayacaq. Bidiyiniz kimi, əməliyyat Türkiyədə olub. Futbolçular da hazırda tətildədi. Bu üzdən xəstəxanadan çıxıb ölkəyə qayıdıb-qayıtmayacağını dəqiq deyə bilmərəm. Amma bir neçə günə çıxacaq və bərpa prosesinə başlayacaq”.
ŞAİR ABDULLA
Digər xəbərlər
