"Emil Mustafayev U-21 millimizdə çıxış edib. Elə yığmanın oyununda ayağı sınıb. Ondan sonra bir müddət formadan düşdü. Hazırda Ukrayna çempionatında özünü yaxşı tərəfdən göstərir. Son oyunlarda 2 məhsuldar ötürmə və 2 qolla yadda qalıb. Ruslan Rotanın onu Ukrayna millisinə dəvət etməsindən də xəbərim var. Əslində Emilə əvvəll də belə təklif olub. Amma o Azərbaycan miillisini seçəcəyini demişdi. Sonra, dediyim kimi, ayağından ciddi zədə aldı və əsas yığmamızda debütü baş tutmadı. Emillə tez-tez danışıram, çıxışını daim diqqətdə saxlayıram. Yığmanın məşqçilərinə də onunla bağlı məlumat verirəm. Mənim işim futbolçuları tapmaqdı, dəvət göndərmək artıq baş məşqçinin işidi. Futbolçunun fikrini dəyişib Ukrayna millisini seçmək ehtimalına gəlincə, bu haqda nəsə deyə bilmərəm. Hər halda, Ruslan Rotan kimi məşqçi onu ölkəsinin əsas komandasına qazandırmaq istəyirsə, deməli, göstəriciləri və perspektivi parlaqdı. Emil Mustafayev və ailəsi vətənpərvər insanlardı. Yuxarıda qeyd etdiyim kimi, Rotanın dəvətinə qədər də Ukrayna millisində çıxış etmək təklif olunmuşdu. Amma bundan imtina edərək Azərbaycanı seçdi və U-21 yığmamıza cəlb olundu. Atası da onun millimizdə oynamasını istəyir. Futbolçuyla son söhbətimiz zamanı da yığmadan dəvət gözlədiyini dedi".