İspaniya futbolunda irqçiliklə bağlı növbəti insident baş verib.

“Real”ın oyunçusu Vinisius Junior La Liqanın “Malyorka” ilə səfər oyununda (3:0) yerli azarkeşlər tərəfindən təhqir olunub. “Marka” qəzetinin məlumatına görə, bəzi fanatlar Vinisiusu “meymun” adlandırıblar. Onlar Juniora “get, banan götür” ifadəsini də ünvanlayıblar.

Yeri gəlmişkən, Vinisius irqi zəmində ilk dəfə təhqir olunmur. O, belə aqibəti ötən ilin oktyabrında “Nou Kamp”da “Barselona” ilə oyunda da yaşamışdı.