London derbisində insident qeydə alınıb.

"Football-plus.az" xəbər verir ki, “Tottenhem”in adı açıqlanmayan bir azarkeşi “Çelsi” ilə oyunda yolverilməz davranış nümayiş etdirib.

Fevralın 26-da keçirilən derbi ev sahibi “Tottenhem”in 2:0 hesablı qələbəsi ilə nəticələnmişdi. Yerli fanatlardan biri həbs edilib. “Daily Mail” qəzetinin yaydığı məlumata görə, həmin fanat matç zamanı homofob şüarlar səsləndirməkdə şübhəli bilinir. “Tottenhem”in insidentlə bağlı rəsmi məlumatında belə deyilir:

“Bir nəfərin homofob ifadə işlətdiyinə görə həbs olunduğunu təsdiqləyə bilərik. “Tottenhem”də ayrı-seçkiliyə yer yoxdu”.

Bu arada “Tottenhem”in daha bir fanatının aqibəti müəyyənləşib. Premyer-liqanın 20-ci turunun yanvarın 15-də keçirilən “Arsenal”la ev oyunundan (0:2) sonra ayağı ilə rəqib komandanın qapıçısı Aaron Remsdeyli vuran Cozef Uotts məhkəmədə bu əməlini boynuna alıb. O, daha əvvəl meydana yad əşyalar atdığını da etiraf edib. Hakim 35 yaşlı kafe işçisini 12 aylıq ictimai işlərə, Remsdeylə 100 funt sterlinq təzmunat ödəməyə və ödənişsiz 150 saatlıq iş görməyə məhkum edib.

Cozef 4 il ərzində futbol matçlarına buraxılmayacaq.