Meyson Qrinvud bir neçə aydan sonra ata olacaq.

Football-plus.az xəbər verir ki, onun sevgilisi Harriet Robsonun hamilə olduğu və yayda ana olmaq sevinci yaşayacağı bildirilib.

Xatırladaq ki, “Mançester Yunayted”in 21 yaşlı yarımmüdafiəçisi 2022-ci ilin yanvarında saxlanılmışdı. Buna isə Harrietin sosial şəbəkələrdə yerləşdirdiyi, Meyson tərəfindən fiziki zorakılığa məruz qaldığını əks etdirən fotolar səbəb olmuşdu. Ona zorlama, cinsi təcavüz, fiziki zorakılıq və hətta ölümlə hədələmə ittihamları irəli sürülmüşdü. Lakin ittiham geri götürüldüyü üçün bu ilin fevralında Qrinvud sərbəst buraxılmışdı. Görünür, artıq Harriet ilə münasibətləri yaxşılaşıb.

O, hələ ki MY-nin heyətində görünmür. Rəhbərlik ötən il futbolçunu klubdaxili araşdırma sona çatanadək komandadan uzaqlaşdırmışdı. Araşdırma hələ də davam edir.

Deyilənə görə, klubun bir sıra oyunçuları Meysonun heyətə qaytarılmasına qarşıdı. MY-nin qadınlardan ibarət komandasının üzvləri bir neçə həftə əvvəl rəhbərliyə onu bir daha qırmızı formada görmək istəmədiklərini bildirmişdilər.

Kim bilir, bəlkə də Meysonun ata olacağı ilə bağlı xəbər onların radikal münasibətini dəyişəcək…