Meyson Qrinvudun aqibəti müəyyənləşib.

“Mançester Yunayted”in sevgilisinə qarşı zorakılıq etməkdə şübhəli bilinən oyunçusunun şərti həbs müddəti uzadılıb.

BBC-nin məlumatına görə, işlə bağlı növbəti iclasdan sonra məhkəmə onun şərti həbs müddətini uzadıb. Böyük Mançester Polisi gənc oyunçuya qarşı ittiham irəli sürülməyincə və ya sərbəst buraxılana qədər Qrinvudun işi ilə bağlı əlavə məlumatların verilməyəcəyini bildirib.

Qeyd edək ki, Meysonun keçmiş sevgilisinə qarşı zorakı davrandığını bildirən bir sıra fotoşəkillər sosial şəbəkələrdə yayıldıqdan sonra 20 yaşlı futbolçu yanvar ayında məsuliyyətə cəlb olunub. O, sonradan girov qoymaqla ev həbsinə məruz qalıb.