Qrinvud, Mendi və Siqurdsson..

Meyson Qrinvud, Benjamen Mendi və Gilfi Siqurdsson artıq uzun müddətdi İngiltərə premyer-liqasının oyunlarında görünmürlər. Səbəb heç də onların zədəli olmaları və ya məşqçilərin etimadını qazana bilməmələri ilə bağlı deyil. Haqqında cinayət işi açılan bu futbolçular istintaq altındadılar. Onların düşdüyü üzücü vəziyyətə nəzər salacağıq.

MY Qrinvuda hələ də məvacib ödəyir

Qrinvudun qanunla problemi bu il yanvarın sonunda başlayıb. Onun sevgilisi Herriet Robson “instaqram” hesabında partlayan və qana boyanan dodaqlarının, zədələrdən göyərmiş bədəninin şəkillərini nümayiş etdirmişdi. Gənc qız adamı vahiməyə salan fotoların altında bu cümlələri yazmışdı: “Meyson Qrinvudun əslində mənimlə nə etdiyini bilmək istəyən hər kəs üçün”. Herriet sevdiyi oğlanın səs yazısını da ictimaiyyətə çatdırmışdı. Həmin yazıda 20 yaşlı futbolçunun qızı olduqca kobud şəkildə cinsi əlaqəyə dəvət etdiyi aydın eşidilirdi.

MY rəhbərliyi bir qədər gözləmə mövqeyi tutandan sonra Qrinvudun qeyri-müəyyən müddətə komandadan kənarlaşdırıldığını açıqladı. Bir neçə gündən sonra bu gənc oğlan zorlama və ölümlə hədələməyə görə həbs olundu. Buna qədər onun yalnız Herrietə bədən xəsarətləri yetirməsi ilə bağlı istintaq aparılırdı. Meyson hər necə olsa, fevralın 2-də girov qoymaqla təhqiqatın aparıldığı müddətdə sərbəst buraxıldı.

Bundan sonra onun digər problemləri də ortaya çıxdı: “Nike” şirkəti futbolçu ilə əməkdaşlığı dayandırdı, “FIFA 22”, “Konami eFootball” və “Football Manager 2022” kimi simulyatorlar onu oyunlardan kənarlaşdırdılar. “Yunayted”in azarkeşlərinə Qrinvud soyadının yazıldığı formaları ödənişsiz istənilən digər futbolka ilə dəyişmək imkanı yaradıldı. Bu da son deyil: bu oğlanın soyadı ilə bağlı olan bütün məhsullar klubun internet-mağazasından yığışdırıldı.

Bəs sonra nə olub? “Daily Mail” MY-nin Qrinvuda hələ də həftəlik 75 min funt sterlinq məvacib ödədiyini müəyyən edib. Komandanın bəzi fanatları aprelin əvvəlində klubun saytında onun əsas heyətin oyunçusu kimi göstərilməsinə diqqəti çəkib. Sosial şəbəkələrdə ortaya qoyulan fikrə əsasən, rəhbərlik hücumçunu geri qaytarmaq niyyətindədi. Lakin klub bunu təkzib edib:

“Meysonun statusunda heç bir dəyişiklik baş verməyib. Yanvarda heyətdən kənarlaşdırılandan sonra onun profilini klubun tətbiqetmələrindən silmişik. Lakin futbolçunun profili heç vaxt saytdan çıxarılmayıb. Ona görə ki, Qrinvud istintaq prosesi müddətində komandanın üzvü sayılmasa da, MY-nin oyunçusudu”.


Bir neçə həftədən sonra onun komandanın məşqlərinə qatılması haqda şayiə yayılıb. Ancaq jurnalistlər Kris Uiler (Daily Mail) ilə Saymon Stoun (BBC) sosial şəbəkələrdə yayılan bu xəbəri təkzib ediblər.

Meysonun girov qoymaqla sərbəst buraxıldığı müddət bu gün – aprelin 30-da sona çatır, amma müddətin artırılacağı istisna olunmur. Məişət zorakılığı Böyük Britaniyada cinayət sayılır. Buna görə 5 ilədək azadlıqdan məhrumetmə cəzası təyin oluna bilər. Seksual cinayətə görə isə 4 ildən 7 ilədək həbs cəzası nəzərdə tutulur. Hər şey zorakılığın dərəcəsindən asılıdı, bu planda ittiham daha ciddi maddələrə görə dəyərləndirilə bilər. Qrinvud günahkar sayılacağı halda MY-nin cəzalarına da məruz qalacaq, ən pis halda onunla müqavilə pozulacaq.

134 gün həbsdə olub, indi isə sərbəstdi

Mendinin məsələsi daha ciddidi. Fransız futbolçu 2021/22 mövsümünün startı ərəfəsində birdən-birə 4 seksual təcavüz ittihamı ilə üzləşdi. Bir neçə ay ərzində ona yönələn bu tip ittihamların sayı 9-a (!) çatıb: Benjamen həm zorlamada, həm də cinsi təcavüzə cəhddə günahlandırılır. O, bu hərəkətlərə 2020-ci ilin oktyabrından 2021-ci ilin avqustunadək olan zaman kəsiyində əl atıb. İttihamçı rolunda yaşı 16-dan çox olan 4 şəxs çıxış edir.
MS-nin müdafiəçisi 2021-ci ilin avqustunda həbs olunub. O, əvvəlcə Liverpulda B kateqoriyalı məhbusların saxlanıldığı “HMP Altcourse” həbsxanasında saxlanılıb. Dekabrın 23-də isə Mançesterdəki A kateqoriyalı məhbusların cəza çəkdiyi “Strangeway” həbsxanasına göndərilib.

Bəs sonra nə olub? 134 gün həbsdə olan Mendi bu ilin yanvarında girov əvəzində sərbəst buraxılıb. Amma fransız futbolçunun canı məhdudiyyətdən birdəfəlik qurtulmayıb: o, ayağında elektron qolbaq daşımağa və hər gün polis idarəsi ilə əlaqə qurmağa məcburdu.

Məlum işlə bağlı Benjamenlə birlikdə 40 yaşlı Lui Saha Matturi də istintaqa cəlb olunub. İndi hər ikisi iyulun 25-nə tyin olunan məhkəməni gözləyir. Paralel olaraq məhkəməyəqədərki dinləmələr də davam etdirilir. Növbəti sorğu-sual mayın 23-nə təyin olunub.

Futbolçunun şəxsi həyatı ilə bağlı kiçik detalları da nəzərinizə çatdırırıq. Apreldə onu Çeşir qraflığında görüblər. Benjamen dostlarıyla birgə qəhvə içərək zarafatlaşırmış...

Siqurdssonun məhkəməsi üç dəfə təxirə düşüb

Siqurdsson səbəbkarı olduğu qalmaqala qədər İslandiya futbolunun əfsanəsi sayılırdı. Standart vəziyyətlər üzrə usta sayılan futbolçu premyer-liqada uzun müddət top qovub. O, 2021-ci ilin yayında həddi-büluğa çatmayanlara qarşı cinsi zorakılıq ittihamıyla həbs olunub. “Everton” oyunçusunu dərhal komandadan kənarlaşdırıb. İlk günlər islandiyalı yarımmüdafiəçinin adı rəsmən çəkilməsə də, çoxları söhbətin məhz Gilfidən getdiyini anlamışdı. O da girov qoymaqla sərbəst buraxılıb. İndi isə gizli yaşadığı mənzildə məhkəmənin çıxaracağı hökmü gözləyir.

Yerli medianın yaydığı xəbərlərə görə, təcrübəi futbolçu ötən aylar ərzində bir neçə dəfə sorğu-suala tutulub, evində axtarış aparılıb. Gilfinin bəzi əşyaları polis tərəfindən müsadirə edilib. Siqurdssonun məhkəməsi nədənsə üç dəfə təxirə salınıb. Yeni tarix kimi iyulun 16-sı müəyyən edilib.
İndi 32 yaşında olduğunu nəzərə alsaq, futbolçu karyerasının böyük ehtimalla sona çatdığını demək olar.

Son xəbərlər

"Futbolçular özlərini peşəkar və soyuqqanlı apardılar” - Qurban Qurbanov

Şahruddin ən çox seyv edən qapıçılar siyahısında - Avroliqa

Avropa liqasında həftənin ən yaxşısı adına namizədlər açıqlandı

Millimiz dünya çempionatında ilk oyununa çıxır

"Qarabağ" yenə Azərbaycanın əmsalını artırdı

"Deməyə sözümüz yoxdu" - "Olimpiakos"un futbolçusu

"Belə bir turnirdə səhv edəndə bədəlini ödəyirsən" - Miçel Qonzales

"Bu qalibiyyət hələ heç nə demək deyil" - Qurban Qurbanov

"Qarabağ"ın Pirey fəthi - VİDEO

"Qarabağ" Yunanıstandan böyükhesablı qələbə ilə dönür - YENİLƏNİB

"Dinamo"dan Mahirlə bağlı açıqlama

"Roma"dan Mourinyo qərarı

''Hall Siti'' uğursuz seriyanı bitirdi

Manenin ''Qızıl top'' üçün favoriti kimdi?

“Napoli”də yeni müqavilə

"Olimpiakos" - "Qarabağ" oyunundan öncə azarkeşlər arasında dava - VİDEOLAR

"AFFA İcraiyyə Komitəsi fərqli qərar veribsə, daha nə edək?" - Ağasəlim Mircavadov

Qvardiola Holann ilə bağlı təkzib verdi

“Səbail” yataqxana qalmaqalına aydınlıq gətirdi - AÇIQLAMA

“Çelsi”nin tarixinə düşdü

FIFA Mahir Emrelini cəzalandırdı

Sabiq əfsanələr Ronaldoya görə mübahisə etdi

“Yaşıl meydanlarda zəif olsalar da, AFFA ideoloqları kabinet savaşlarında yığmaya iddialılardan daha güclüdülər” - Tahir Süleymanov

AFFA rəsmisi De Byazi ilə səfərə çıxır

1765 günlük həsrətə son qoydu

Messini arxada qoyub 2-ci yerə çıxdı

Kalabriya ilə Kyaerin aqibəti məlum oldu

Suaresin yeni klubu müəyyənləşdi

Şahin Diniyev İcraiyyə Komitəsinin qərarını düzgün sayır

''Liverpul'' ''Qalatasaray''ın bu oyunçularını izləyir

Klubu ilə yenidən anlaşdı

"Qəbələ" - "Qarabağ" matçının hakimləri bəlli oldu

Gəncəli futbolsevərlərə şad xəbər

Maşallah Əhmədov İqor Ponomaryovun Qurban Qurbanovla bağlı iddiasına cavab verdi

Azı yarım illiyə sıradan çıxdı

UEFA-dan Rauf Cabbarova növbəti təyinat

UEFA Azərbaycanın 7 klubuna ödəmə etdi

Alkaras və Sventek hamıdan öndədi - SİYAHI

“Afinanın küçələrində üzərində “Azərbaycan”, “Qarabağ” yazılan köynəklərdə gəzirik”

“Elçe”də gözlənilən istefa baş tutdu

“Bursaspor”un Namik Ələskərova nə qədər borcu var?

Ukrayna DÇ-2030-u təşkil etmək fürsəti qazandı

Yığmanın baş məşqçi postuna De Byazidən başqa kim namizəd olub? - Vaqif Sadıqov açıqladı

Stankoviç A seriyasına qayıdır

ASCO "Səbail”in legionerləri ilə bağlı iddialara aydınlıq gətirdi

Bütün xəbərlər