Məlum olduğu kimi, bu ilin mayında mərhum president Heydər Əliyevin anadan olmasının yüzilliyi münasibəti ilə əfv fərmanının imzalanacağı gözlənilir.

Azərbaycan Prezidenti yanında Əfv Məsələləri Komissiyasının srağagün keçirilən iclasında 100-dən çox müraciətə baxılıb. Bizdə olan bilgiyə görə, əfv olunması ilə bağlı müraciət edənlərdən biri də Beynəlxalq Bankın İdarə Heyətinin sabiq sədri, futbol ictimaiyyəti arasında “İnter”in (indiki “Keşlə”) prezidenti kimi tanınan Cahangir Hacıyevdi. Cinayət Məcəlləsinin bir neçə maddəsi üzrə ittiham olunan Cahangir bəy 2016-cı il oktyabrın 14-də 15 il müddətinə azadlıqdan məhrum olunub. Əfv siyahısına, adətən, blogerlər, jurnalistlər, siyasi partiya üzvləri, ömürlük məhbuslar, ağır xəstəliyi olan şəxslər salınır. Görünür, Hacıyev də məhz sonuncu kateqoriyaya aid olunacaq.

Xatırladaq ki, keçmiş “İnter”in keçmiş prezidenti hələ 2017-nin martında da sağlıq durumunun nəzərə alınmasını, əfv olunmasını xahiş etmişdi.

ORXAN