“Böyük dəbilqə” turnirlərinin 22 qat qalibi olan digər tennisçi — Novak Cokoviç maraqlı açıqlama ilə diqqət çəkib.

Football-plus.az xəbər verir ki, o, arxa bud əzələsinin bərpa prosesi haqda danışıb:

“Australian Open” ərəfəsində aldığım zədəyə gəlincə, bərpa olunmuşam və tədricən ideal formama yaxınlaşıram. Komandamla belə qərara gəldik ki, Dubaya yollanım və gələn həftə orda turnirdə iştirak edim”.

Cokoviç həmçinin martda keçiriləcək “Masters” seriyalı turnirə qatılmaq üçün hələ də ABŞ-a giriş icazəsi almamasına da toxunub:

“Proses gedir və yeganə bildiyim budu. Bu hadisələrin axarına nəzarət edə bilmərəm. Məmnuniyyətlə oynayardım və şadam ki, Mayami və İndian-Uells turnirlərinin direktorları məni dəstəkləyir. Ümid edirəm ki, mənim xeyrimə qərar qəbul olunacaq”.