Dünyanın 1-ci raketkası Novak Cokoviç ABŞ-a səfər edə bilmək üçün xüsusi icazə almağa çalışır.

İş ondadı ki, serb tennisçi koronavirus əleyhinə peyvənd olunmayıb, ABŞ-a daxil olmaq üçün isə bu vacibdi. Bu tələb 2023-ün mayında aradan qaldırılacaq. Novakın kiçik qardaşı Corce bu haqda belə deyib: “Təəssüf ki, bu bizim əlimizdə deyil. Novak xüsusi icazə almalıdı, ona görə ki, ABŞ hakimiyyət orqanları hələ peyvənd olunmayan əcnəbiləri ölkəyə buraxmır. Peyvənd olunmayan idmançıların bütün dünyada ən müxtəlif yarışlara qatıldığını nəzərə alsaq, belə tələb qeyri-adidi. Hələ bəzi detalları yoluna qoymaq qalır, ancaq biz müsbət sonluğa ümid edirik”.

Cokoviç martda İndian-Uellsdə və Mayamidə keçiriləcək “Masters” seriyalı turnirlərə qatılmaq istəyir.