Sənan Qurbanov: “Bu gün "Qarabağ"ı çox ağır matç gözləyir" - AÇIQLAMA
Bu gün Avroliqanın qrup mərhələsində "Qarabağ" doğma meydanda "Olimpiakos"la qarşışacaq.
İlk oyunda səfərdə rəqibini 3:0 hesabıyla məğlub edən "köhlən atlar" doğma meydanda hansı çətinliklə üzləşə bilər? Yunanıstan təmsilçisinin baş məşqçisi də mətbuat konfransında çox iddialı danışdı. Rəqib sensasiya edə bilər? Bu suallara aydınlıq gətirmək üçün Sənan Qurbanova müraciət etdik. Onun “Football-plus.az” saytına açıqlaması belə oldu:"Olimpiakos"un baş məşqçisi mətbuat konfransında çox iddialı danışırdı. Bu da başadüşüləndi. Komandanın itiriləcək nəyisə qalmayıb. Bu oyunda da qələbə qazanmasa, avrokuboklardan uzaq qalacaq. Odu ki, onların aqressiv oyun və əvəz çıxmaq arzusunda olmaları normaldı. Düşünürəm ki, ilk matçla müqayisədə Yunanıstan təmsilçisi fərqli oyun sərgiləyəcək. Bildiyim qədər 3 zədəli futbolçuları da sıraya qayıdıb. Avropanın futbol səhnələrində həmişə fərqli oyunlar və sürpriz nəticələr baş verir. Ona görə də "Qarabağ" son dərəcə diqqətli olub, öz oyununu oynamalıdı. Hamımız Ağdam təmsilçisindən qələbə və minimum Konfrans Liqasına vəsiqəni təmin etməsini gözləyirik. Bu gün "Qarabağ"ı çox ağır matç gözləyir".
ABDULLA İSMAYILOĞLU
Digər xəbərlər
