Almaniyalı kimyaçı, Nobel Mükafatının qalibi Benjamin List maraqlı açıqlama verib.

Football-plus.az xəbər verir ki, Frankfurtda doğulan və futbol fanatı olan List təbii ki, doğma məmləkətinin uğurlu təmsilçisi ''Ayntraxt''ın azarkeşidi. Üstəlik onun yaponiyalılara da böyük simpatiyası var.

''Ayntraxt''da isə birdən-birə iki yaponiyalı futbolçu çıxış edir. Onlardan birinin - Daiçi Kamadanın müqavilə müddəti bu yay başa çatır. Amma List yaponiyalıların ayrılmağını istəmir:

''Yaponiyanın çox böyük fanatıyam. Makoto Hasebe ən sevimli oyunçularımdandı. Amma Daiçi Kamada ayrılsa, ürəyim parça-parça olacaq. Fürsətdən istifadə edərək demək istəyirəm ki, onun qalması üçün hətta Nobel mükafatını qazanarkən mənə verilən medalı da qurban verməyə hazıram. Kamada qalmağa razılıq versə, medalımı ona verəcəm''.

Qeyd edək ki, 55 yaşlı List 2021-ci ildə britaniyalı Devid Makmillan ilə birlikdə kimya üzrə Nobel Mükafatına layiq görülüb. Mükafat onlara asimmetrik orqanokatalizin inkişafına görə verilib.