Bu gün AFFA-nın İntizam Komitəsinin iclası keçirilib.

Football-plus.az xəbər verir ki, iclasda aşağıdakı qərarlar qəbul edilib:

Misli premyer-liqası 23-cü turunun “Kəpəz” – “Şamaxı” oyununda “Kəpəz” klubunun topdaşıyanları topları oyunçulara ötürərkən vaxtı uzatdıqlarına görə kluba xəbərdarlıq edilsin (maddə 11);

23-cü turunun “Neftçi” – “Səbail” oyununda “Səbail” klubunun 4 oyunçusu sarı vərəqə ilə cəzalandığı üçün klub 800 manat cərimə edilsin (maddə 39);

“Neftçi” klubunun azarkeşləri tərəfindən kütləvi şəkildə təhqiramiz ifadələr işlədildiyinə görə klub 4000 manat cərimə edilsin ( maddə 41.7);

“Neftçi” – “Səbail” oyunundan əvvəl meydançanın vaxtında sulanmamasına görə meydan sahibi kluba xəbərdarlıq edilsin (maddə 11);

23-cü turunun “Sabah” – “Turan Tovuz” oyununda “Turan Tovuz” klubunun 4 oyunçusu sarı vərəqə ilə cəzalandığı üçün klub 800 manat cərimə edilsin (maddə 39);

“Sabah” klubunun texniki zonasından meydançaya kənar əşyanın atılmasına görə klub 1600 manat cərimə edilsin (maddə 51.1);

“Sabah” klubunun baş məşqçisi Murad Musayev texniki zona qaydalarını pozaraq hakimə etiraz etdiyinə görə ikinci sarı vərəqə alaraq meydançadan kənarlaşdırıldığı üçün 2 oyun cəzalandırılsın, klub 1600 manat cərimə edilsin (maddə 47.3 və maddə 61.1);

Birinci divizion 18-ci turunun “Sumqayıt-2” – “Turan Tovuz-2” oyununda “Sumqayıt-2” komandasının futbolçusu Nurlan Bayramov birbaşa qırmızı vərəqə ilə meydançadan kənarlaşdırıldığı üçün 2 oyun cəzalandırılsın və klub 160 manat cərimə edilsin (maddə 36.1);

18-ci turun “Kəpəz-2” – “Qəbələ-2” oyununda Təcili Tibbi Yardım maşınının oyuna gecikməsinə görə meydan sahibi klub 160 manat cərimə edilsin (maddə 59.4);

18-ci turun “İmişli” – MOİK oyununda MOİK klubunun 4 oyunçusu sarı vərəqə ilə cəzalandığı üçün klub 80 manat cərimə edilsin (maddə 39);

“İmişli” klubunun diktoru tərəfindən əsasnamənin pozulmasına görə “İmişli” klubu 40 manat cərimə edilsin (maddə 88);

18-ci turun “Zaqatala” – “Qaradağ Lökbatan” oyununda polis nümayəndəsinin oyuna gecikməsinə görə “Zaqatala” klubu 160 manat cərimə edilsin(maddə 59.4);

18-ci turun “Şamaxı-2” – “Araz Naxçıvan” oyununda “Araz Naxçıvan” klubunun nümayəndəsi iclasa gəlmədiyinə görə klub 80 manat cərimə edilsin (maddə 62.1);

“Şamaxı-2” komandasının 4 oyunçusu sarı vərəqə ilə cəzalandığı üçün klub 80 manat cərimə edilsin (maddə 39);

“Araz Naxçıvan” klubunun 4 oyunçusu sarı vərəqə ilə cəzalandığı üçün klub 80 manat cərimə edilsin (maddə 39);

18-ci turun “Neftçi-2” – “Səbail-2” oyununda “Səbail-2” komandasının oyunçusu Bəşir Ayralov təcavüzkar davranışa görə qırmızı vərəqə alaraq meydançadan kənarlaşdırıldığı üçün 2 oyun cəzalandırılsın və klub 160 manat cərimə edilsin (maddə 37.1);