13 fevral tarixində "Sərhədçi" İdman Mərkəzində, "Sabah BK" və "Neftçi İK" basketbolçuları arasında 17-ci turun son oyunu baş tutdu.

Birinci hissədə bərabər mübarizə getsə də, ikinci hissədə "Sabah BK" basketbolçuları üstün oyun sayəsində 79-61 hesablı qələbə qazandılar. Ən məhsuldar basketbolçular: "Sabah BK" ( Mayk Edvards - 15 xal, 6 ribaund ), "Neftçi İK" ( Yuri Kondrakov - 18 xal, 8 ribaund ).

Qeyd edək ki, 18-ci turun oyunları ( "NTD BK" - "AAAF Xırdalan BK", "Sabah BK" - "Gəncə BK", "Neftçi İK" - "Olimpik Şəki BK", "Zirvə Astara BK" - "Sərhədçi PİK" ) 15, 18 və 19 fevral tarixlərində keçiriləcəkdi.