Mayk Menyanla bağlı növbəti xəbər yayılıb.

Football-plus.az xəbır verir ki, “Milan”ın əsas qapıçısı Çempionlar Liqasının 1/8 finalının “Tottenhem”lə ilk oyununu buraxacaq.

“La Gazzetta dello Sport”un məlumatına görə, 27 yaşlı futbolçunun görüşdə iştirak edə bilməməsinə səbəb onun zədəli olmasıdı. Menyan hələ də tam sağalmayıb. Fevralın 14-də İtaliyada keçiriləcək “Milan” – “Tottenhem” matçı Bakı vaxtı ilə saat 00.00-da başlayacaq. Bu komandalar arasındakı cavab oyunu isə martın 8-də Londonda olacaq.

Yeri gəlmişkən, “Tottenhem”in əsas qapıçısı da zədələnib.

Yerli mənbələrin yaydığı xəbərə görə, Uqo Lyoris İngiltərə premyer-liqasının 22-ci turunun “Mançester Siti” ilə son matçında (1:0) sıradan çıxıb. 36 yaşlı qolkiper təxminən 6-8 həftə yaşıl meydanlardan kənarda qalacaq. Bu da o deməkdi ki, Lyoris “Milan”la hər 2 matçı buraxacaq. Fransalı qapıçının bu mövsüm 27 matçda meydana çıxdığını da qeyd edək.