Argentina millisinin ulduzu Lionel Messi yayda PSJ-ni tərk etməyəcək.

Paris təmsilçisinin prezidenti Nasser el-Xelaifi 35 yaşlı hücumçunun atası ilə görüşüb. Görüşdə təcrübəli oyunçunun klubda daha bir mövsüm keçirməsi ilə bağlı şifahi razılıq əldə olunub. Bundan başqa, Messiyə sabiq klubu "Barselona"dan rəsmi təklif gəlmədiyi də bildirilib.

Messi Qətərdəki dünya çempionatının qalibi olduqdan sonra daha bir dəfə Çempionlar Liqasını qazanmaq niyyətindədi. Onun PSJ ilə müqaviləsinin müddəti gələn ilin iyununda başa çatmalıdı.