“Arsenal” heyətini iki yeni futbolçu ilə daha da gücləndirib.

Football-plus.az xəbər verir ki, İngiltərə çempionatının lideri yarımmüdafiəçi və müdafiəçi transfer edib.

“Brayton”un artıq sabiq futbolçusu Leandro Trossarın londonluarın sıralarına keçəcəyi gözlənilirdi. Paytaxt klubunun rəsmi saytının xəbərinə görə, belçikalı yarımmüdafiəçi ilə 3,5 illik müqavilə imzalanıb. 28 yaşlı Leandro yeni klubunda “19” nömrəli forma ilə çıxış edəcək. Qeyd edək ki, İngiltərə premyer-liqasında bu mövsüm “Brayton”un heyətində 16 oyuna 7 qol vurub və 2 məhsuldar ötürmə verən futbolçu artıq “Mançester Yunayted”lə son çempionat matçında (3:2) “Arsenal”da debüt edib.

Paytaxt klubuna Yakub Kiver də qoşulub. “Spetsiya”dan alınan 22 yaşlı müdafiəçinin keçidi “topçular”a 25 milyon avroya başa gəlib.

Bu mövsüm A seriyasında 17 oyuna çıxan Polşa millisinin üzvü ilə Avropanın bir neçə böyük klubu da maraqlanırdı. Yakubun londonlularla bağladığı müqavilənin müddəti 2028-ci ilin yayınadək razılaşdırılıb.