“Arsenal” sıralarına yeni futbolçu cəlb edib. London klubu “Portu”dan Fabio Vyera ilə razılığa gəlib.

Bu barədə İngiltərə və Portuqaliya klublarının mətbuat xidməti məlumat yayıb. “Portu” qarşı tərəfdən 22 yaşlı futbolçu üçün 40 milyon avro alacağını açıqlayıb. Daha 5 milyon avro isə bonuslar şəklində veriləcək. Xatırladaq ki, yarımmüdafiəçi ötən mövsüm Portuqaliya çempionatında 27 matçda 6 qol vurub və 14 məhsuldar ötürmə verib.

“Arsenal”ın bir sıra klubların maraq dairəsinə düşən gənc futbolçusunu qoruduğunu da bildirək. Paytaxt klubu Edvard Nketia ilə müqaviləni yeniləyib. London təmsilçisinin rəsmi saytının məlumatında ingilis hücumçunun komandada 2027-ci ilə qədər çıxış edəcəyi bildirilib. Qeyd edək ki, Nketia “Arsenal”ın yetirməsidi. O, indiyədək komandada 92 oyuna 23 qol vurub.