Kay Havertz bu yay "Çelsi"ni tərk edə bilər.

Football-plus.az xəbər verir ki, bu barədə məlumatı "Sky Sport Almaniya"nın jurnalisti Floryan Plettenberq yayıb.

Həmkarımızın iddiasına görə, London klubu 23 yaşlı yarımmüdafiəçini gələn yay 50-60 milyon avroya sata bilər.

Yazıda Havertzin "Çelsi"də Qrem Potterin rəhbərliyi altında işləməkdən məmnun olduğu da bildirilir.

Jurnalist "Bavariya" klubunun adını çəkərək oxucularına bəzi mesajlar verib:

"Havertzin alınması Münhen klubunun planlarına daxil deyil. Almaniya təmsilçisi komandada kifayət qədər hücumameyilli futbolçuların olduğunu əsas gətirərək onu heyətinə qatmaq istəmir.

"Bavariya" mərkəz hücumçusu kimi Erik Maksim, Çoupo Motinq, Tomas Müller və ya Matiz Telldən istifadə etmək niyyətindədi".

Qeyd edək ki, "Çelsi" Havertzi 2020-ci ilin payızında təxminən 70 milyon avroya "Bayer Leverkuzen"dən alıb. Almaniyalı futbolçu bu mövsüm London klubun heyətində 27 oyunda iştirak edərək 6 qol vurub və 1 məhsuldar ötürmə edib.