Zlatan İbrahimoviçin yaşıl meydanlara nə vaxt qayıdacağı məlum deyil.

“La Gazzetta dello Sport”un yaydığı məlumata görə, isveçli forvard dizindəki ağrılardan hələ də əziyyət çəkir. Onun fevralın ortalarında sıraya dönəcəyi güman olunurdu. Lakin indi bu ehtimal qüvvədən düşüb. 41 yaşlı hücumçu əzələlərini gücləndirmək üzərində fəal işləyir. Amma sonuncu dəfə meydanda ötən il mayın 22-də görünən Zlatanın problemi yaxın həftələrdə arxada qoymaq şansı azdı.