Bu gün Finlandiyanın Helsinki şəhərində Avropa Superkuboku (AS) oyunu keçiriləcək.

"Football-plus.az" xəbər verir ki, ümumilikdə 47-ci olacaq dueldə “Real” və “Ayntraxt” qarşılaşacaq.

7 oyunda 4 qələbə

Bu komandaların son avrokubok mövsümündə keçdiyi yola nəzər salarkən qarşıdakı duelin superkubok uğrunda oyuna yaraşdığını əminliklə demək olar. “Real” ötən mövsüm Çempionlar Liqasında 14-cü dəfə qalib gəlib. Karlo Ançelottinin komandası finalda “Liverpul”u 1:0 hesabı ilə məğlub edib.

Madridlilər tarixində 8-ci dəfə AS-də oynayacaqlar. Bu avrokubokda ilk dəfə 1998-ci ildə Monakoda “Çelsi”yə minimal hesabla uduzan paytaxt klubunun növbəti cəhdi də uğursuz alınıb. 2000-ci ildə eyni məkanda baş tutan oyunda “Qalatasaray”a 1:2 hesabıyla uduzan “Real” sonrakı 4 cəhdinin hamısında qalib olub: 2002-ci ildə Monakoda “Feyenoord” 3:1, 2014-cü ildə Kardiffdə “Sevilya” 2:0, 2016-cı ildə Tronheymdə yenə “Sevilya” 3:2, 2017-ci ildə Skopyedə “Mançester Yunayted” 2:1 hesabı ilə məğlub edilib. “Kral klubu” 2018-ci ildə Tallindəki son sınağında isə əzəli rəqibi “Atletiko”ya 2:4 hesabıyla uduzub. Başqa sözlə, “Real” AS-də keçirdiyi 7 oyundan 4-də qələbə qazanıb. Maraq üçün bu kubok uğrunda matçda daha çox görünən komandaların “Barselona” (9), “Milan”, “Real” (hər ikisi 7), “Liverpul” və “Sevilya” (hər ikisi 6) olduğunu da qeyd edək.

Ançelotti indiyədək məşqçi kimi üç dəfə superkuboka yiyələnib. 63 yaşlı italiyalı mütəxəssisin komandalarından “Milan” 2003-cü ildə “Portu”nu 1:0, 2007-ci ildə isə “Sevilya”nı 3:1 hesabı ilə məğlub edib. 2014-cü ildə “Real”ın “Sevilya”nı iki cavabsız qolla üstələdiyini isə yuxarıda qeyd etdik.
“Ayntraxt” bu turnirdə ilk dəfə çıxış etmək hüququ qazanıb. Almaniya təmsilçisi superkubok uğrunda yarışacaq 39-ci klub olacaq. Oliver Qlasnerin komandası ötən mövsüm Avropa Liqasının (AL) finalında “Reyncers”dən üstün olub. Əsas və əlavə vaxtı 1:1 nəticələnən oyundan sonrakı penalti seriyasında qalib gələn (5:4) “Ayntraxt” bu turnirdə ikinci, avrokuboklarda isə 42 ildən sonrakı ilk zəfərini reallaşdırıb. Qeyd edək ki, frankfurtlular 1980-ci ildə AL-in sələfi sayılan UEFA Kubokunda qalib gəlsələr də, 1973-99-cu illərdə superkubok uğrunda oyunda Çempionlar Kuboku və Kuboklar Kubokunun qalibləri qarşılaşırdılar. Odu ki, “qartallar” üçün Helsinkidəki sınaq debüt xarakterli olacaq.

62 ildən sonra...

Əlbəttə, rəqiblər arasındakı əvvəlki dueli xatırlatmağın başqa ləzzəti var. Komandalar avrokuboklarda 62 ildən sonra yenidən qarşılaşacaqlar. Çempionlar Kubokunun 1960-cı ildə “Real” və “Ayntraxt” arasında keçirilən finalı “qol yağışı” ilə yadda qalıb. 7:3 hesabı ilə qalib gələn İspaniya nəhəngi ən nüfuzlu klub turnirində ardıcıl 5-ci zəfərini bayram edib. Qlazqodakı “Hempden Park” stadionunda madridlilərdən Ferents Puşkaş poker, Alfredo Di Stefano isə het-trik edib. Almanların qollarını isə Ervin Şteyn (2) ilə Rixard Kress vurub.

“Seltik”in finalı stadionda izləyən əfsanəsi Cimmi Conston matçdan bir müddət sonra belə demişdi:

“Bu, səmada reallaşan fantaziyaya bənzəyirdi. Belə futbolu heç vaxt görməmişdim və artıq izləməyəcəyəm. “Real”ın hücumçularının adlarını ölənə qədər təkrarlayacağam...”


Avrokuboklarda iki ilk

Helsinki şəhərindəki Olimpiya stadionunda keçiriləcək Superkubok matçı Bakı vaxtı ilə saat 23.00-da başlayacaq. Qeyd edək ki, Finlandiya avrokuboklarda ilk dəfə həlledici oyunu təşkil edəcək. Maraq üçün 2009-cu ildə qadınlar arasında Avropa çempionatının final matçının Helsinkidə baş tutduğunu da yada salaq.

Çərşənbə günü qitə kuboklarında daha bir ilk yaşanacaq. UEFA-nın bayrağı altında klub səviyyəsində keçiriləcək matçlarda yarımavtomatik ofsayd aşkarlama sistemi rəsmi olaraq 2022/23 mövsümündə fəaliyyətə başlayacaq. Sistem ilk dəfə məhz “Real” – “Ayntraxt” matçında tətbiq ediləcək. Bu texnologiya gələcəkdə Çempionlar Liqasının qrup mərhələsində də istifadə olunacaq. UEFA-nın Hakimlər Komitəsinin rəhbəri Roberto Rozetti yeniliklə bağlı belə açıqlama verib:

“UEFA oyunun keyfiyyətini artırmaq və hakimlərə kömək etmək üçün daim yeni texnoloji həllər axtarır. Yarımavtomatik ofsayd aşkarlama sistemi VAR (hakimə videoköməkçi) üçün oyundankənar vəziyyətləri daha tez və dəqiq müəyyən etməyə imkan verən innovativ texnologiyadı. Bu, oyunun ritmini və qəbul edilən qərarların ardıcıllığını qorumağa kömək edir. Sistem artıq rəsmi oyunlarda və Çempionlar Liqasının hər bir matçında istifadəyə hazırdı”.


UEFA-nın məlumatında qeyd olunur ki, yeni sistem hər bir oyunçunun bədəninin 29 nöqtəsini izləyə bilən xüsusi kameralar sayəsində işləyəcək. Sistem üçün 2020-ci ildən indiyədək ümumilikdə 188 sınaq keçirilib.

Avropa Superkuboku

Real (İspaniya) – Ayntraxt (Frankfurt, Almaniya)
Hakim və köməkçiləri: Maykl Oliver, Stüart Bert, Saymon Bennett (hamısı İngiltərə), Donatas Rumşas (Litva).
VAR hakimləri: Tomas Kvyatkovski, Bartoş Frankovski (hər ikisi Polşa), Tyaqo Martinş (Portuqaliya).
Cəzalı: yoxdu.
Avrokuboklardakı oyunlarının balansı: +1=0-0, 7-3
10 avqust. Helsinki (Finlandiya), Olimpiya stadionu.

Son xəbərlər

“Borussiya” oyunçusuna qiymət qoydu

"Qarabağ"ın təsisçisinin dəyişməsi ilə bağlı yekun qərar

TFF qərarını dəyişdi

Dünya çempionatında iştirak edə bilməyəcək

“Valensiya”da yeni futbolçu

Benzema mükafat bolluğuna düşdü

Fiqu göyün 7-ci qatında futbol oynadı!

Vaqif Sadıqov: “Bəlkə De Byazi burda qalmaq istəmir, hardan bilirsiz?” - AÇIQLAMA

Fanatlar Türkiyə millisinin başında kimi görmək istəyir? - SORĞU

“Çelsi”nin oyunçusu məşqlərə başladı

Sabiq “Qalatasaray”lı BƏƏ-də oynayacaq

Mançester derbisini buraxacaqlar

FİFA təhqiqat aparır

"İmişli" son çempiona qarşı - YENİLƏNİR

“Fənərbaxça” daha bir oyunçu ilə yollarını ayırdı

Peşəkar boks = real ölüm ehtimalı

Karyeralarını başa vurdular

Premyer-liqada 2 milyard 526 milyon avroluq qazanc - SİYAHI

Dünya çempionatı üçün 208 milyard avroluq xərc

“Yığmanın “sükanı arxasında” yerli, gənc mütəxəssislər olmalıdı” - Aslan Kərimov

Skaloni ilə müqavilə yeniləndi

Superliqanın səviyyəsi Allini təəccübləndirib - AÇIQLAMA

"Qarabağ"la oyundan öncə "Olimpiakos"da daha bir ciddi itki

Kolumbiya da dünya çempionatında təmsil olunmaq istəyir

Qutyerresin hərəkətinin sirri 12 ildən sonra açıldı

Maqnussenə ən sürətli dövrə yox, xal lazımdı - MÜSAHİBƏ

Tolqay Arslan derbidə kimi favorit görür?

İFA-dan Ronaldoya gecikmiş ittiham

Emin Ağayev: “Tibbi komissiyadan keçirdilər, paltar və ayaqqabı ölçülərimi götürdülər” - MÜSAHİBƏ

Zubir: "Fransa klubuna qol vurmaq özəldi" - VİDEO

Simeoneyə etimad tükənməyib

"Hərbçilər" gəncəliləri məğlub etdi - VİDEO

22-ci "Səbail" - "Qəbələ" duelinə doğru

Mövsümün sonunda “İnter”dən gedəcək

Tahir Süleymanov almanları hakimlərimizə nümunə göstərdi

Türkiyə Avropada gənclərə ən az şans verən ölkədi!

Laviolett Oveçkini təriflədi

Misirdə Olimpiada keçiriləcək?

Doğma klubunun idman direktoru olacaq

"Yığmada baş məşqçi əcnəbi olacaqsa, mütləq iki yerli onun köməkçisi olmalıdı" - Ağasəlim Mircavadov

Di Mariya ilə bağlı qərar verildi

Autsayder komandada yeni baş məşqçi

UEFA-dan "Olimpiakos" - "Qarabağ" oyunu ilə bağlı mühüm qərar

İcra Hakimiyyəti bu klubun işıq borcunu həll edib

"Turan Tovuz" futbolçuları məktəblilərin qonağı oldu

Bütün xəbərlər