“Milan” heyətinə yeni futbolçu cəlb edib. İtaliyanın son çempionu qapıçılarının sayını artırıb.

Devis Vaskesin transferi milanlılara 400 min avroya başa gəlib. Bu təzminat Paraqvayın “Quarani” klubuna ödənilib. 24 yaşlı kolumbiyalı ilə 4 illik müqavilə imzalanıb. Devis yeni komandasında “77” nömrəli formanı geyəcək. Onun transferi heç də “Milan”ın əsas qapıçısı Mayk Meynyanın zədələnməsi ilə bağlı deyil. Rəsmi məlumatda İtaliya klubunun Vaskesi hələ bir neçə ay əvvəl almaq istədiyi bildirilir.