“Milan” heyətinə yeni futbolçu qatmağa yaxındı.

“La Gazzetta dello Sport”un məlumatına görə, İtaliya çempionu “Brügge” ilə Şarl de Ketelarenin keçidi üzrə aparılan danışıqlarda razılığa gəlib. 21 yaşlı yarımmüdafiəçi artıq Milana gəlib. O, tibbi baxışdan uğurla keçəcəyi halda 5 illik müqavilə imzalayacaq. Belçika klubu bu transferdən bonusları da nəzərə almaqla 36 milyon avro qazanacaq.

Qeyd edək ki, Şarl son mövsümdə Belçika çempionatında meydana çıxdığı 39 matçda 14 qol vurub və 8 məhsuldar ötürmə edib.